Last day at work!
I dag vart det ein liten vri på den vanlege rutina: Det var samling inne på eit rom, der alle pasientane som ynskte å vere med, kunne det.
Presten
leste diverse tekstar frå bibelen, vi song nokre salmar, og deretter var det
nattverd. Til slutt vart det delt ut eit dikt for denne månaden og ei bøn som
pasientane fekk behalde.
Det var
utruleg kjekt å sjå pasientane delta, både i det vi skulle lese, men også då vi
skulle synge. Det var meir «liv» i dette rommet enn kva eg har opplevd når eg
har vore til kyrkje, for å seie det slik.
Resten av
dagen har eg hjulpe pasientar med å ete, eg har servert te og kjeks, og snakka
med pasientane.
Før eg
reiste til London, fekk eg låne med meg ei bok av svigerfar, om Sognefjorden. Den tok eg med meg på jobb og viste til pasientane. Det viste seg å vere
utruleg stas. Dei skraut av kor fint det vi hadde det Noreg, og kor heldige
vi var. Eg prøvde å få dei til å seie nokre norske ord som stod i boka, og det
var artig å høyre på. Det overraska meg kor lett dei tok det, men det vart litt
dansk preg i utalen.
Før vi
gjekk for dagen, gav eg arbeidsplassen norsk melkesjokolade og Kvikklunsj. Det takka dei så mykje for, og dei gleda
seg til å smake.
Under ser dykk nokre bilete frå arbeidsplassen min. Pynta til både morsdag og St. Patricksday.
A lot of kisses from Synne!!!
Ingen kommentarer:
Legg inn en kommentar